L7M · Кастрычніцкая, 25

VB3_walls_22aug-07

L7M

(27 гадоў, Сан-Паўлу, Бразілія)

Дзе малюе: Гатэль «БелРостІнвестБуд» (вул. Кастрычніцкая 25, сярэдняя частка сцяны)

Што малюе: Пры падтрымцы праэкта «Кліма-Іст», які фінансуецца Еўрапейскім саюзам і рэалізуецца Праграмай развіцця ААН, мастак малюе мурал на тэму тых птушак Бразіліі ды Беларусі, якія знікаюць. Паводле плану гэта зялёнагаловая танагра і вяртлявая чаротаўка, але, напэўна, гэта будзе суцэльны арніталагічны калейдаскоп.

Сайт   Instagram   Tumblr

Усім неабыякавым да лёсу птушачак прысвячаецца! Бразільскі мастак Луіс Марцінс aka L7M любіць іх не менш, чым бёрдуотчэры на заданні. Балончык з фарбай ён узяў у рукі яшчэ ў 13-гадовым узросце, пасля вывучаў мноства тэхнікаў малявання і ў выніку прыйшоў да міксаванага стылю з выкарыстаннем кітайскай тушы, латэксу, пастэлі і акрылу. Аднойчы фарбай яму служыла нават кока-кола!

Першым натхненнем для Луіса быў прамянізм – кірунак рускага авангарднага мастацтва пачатку 20 стагоддзя, які працаваў са светлавымі спектрамі ды колераперадачай. На сваіх вулічных палотнах мастак камбінуе абстрактныя геаметрычныя формы з галаваломкай адценнямі – і ўсё гэта на фоне выяваў нашых крылатых сяброў. Луіс востра перажывае дысгармонію навакольнага асяроддзя, таму ягоныя карціны – гэта складана пабудаваны хаос у элегантнай падачы.

IMG_8322 IMG_8398 IMG_8395 (1) IMG_8353 IMG_8333 IMG_8314 IMG_9332

Назва мурала: “Quattuor tempora” / “Чатыры станы”

Мурал зроблены з выкарыстаннем спрэю MTN 94 aд Montana Colors і акрылавай фарбы Condor, пры падтрымцы праекта Clima East Project, які фінансуецца Еўрапейскім саюзам і рэалізуецца Праграмай развіцця ААН.

Вялiкi дзякуй усiм валанцерам, якiя дапамагалі ў стварэнні мурала!