RAMON MARTINS / РАМОН МАРЦIНС · Кастрычніцкая, 19-5

VB3_walls_22aug-01

Ramon Martins

(35 гадоў, Сан-Паўлу, Бразілія)

Дзе малюе: Корпус МЗКР № 5 (вул. Кастрычніцкая 19-5)

Што малюе: Складанае пано з некалькіх блокаў і безліччу элементаў: лавец для птушак, беларускія арнаменты, унутраныя назіранні за светам – але ўсё будзе змяняцца ў працэсе.

Візуальны выбух, вывяржэнне эмоцыяў, шматпластовыя тэкстуры, бачныя ці ўяўныя, – Рамон Марцінс можа прымусіць цябе прапусціць патрэбны транспарт на прыпынку, пакуль ты разглядаеш ягоныя мураваныя палотны. Ён нарадзіўся ў Сан-Паўлу, але вырас у пастаральнай бразільскай вёсцы разам з бабуляй. Затым у 14-гадовым узросце вярнуўся зноў у Сан-Паўлу да бацькі ды пасяліўся ў азіяцкім квартале, дзе жыве і цяпер.

З прычыны пастаянных пераездаў ягоная творчасць – гэта неверагодны мікс творчых падыходаў, тэхнікаў і візуальнай мовы з усяго свету: дзікая трапічная прырода, арганічныя дэкаратыўныя эскізы, матывы бразільскага барока, гарадская вулічная культура, азіяцкая антычная традыцыя, поп-культура і контркультура, масавая адзінота і ананімныя партрэты – ці можаш ты сабе ўявіць гэта?

У 2005-ым ён атрымаў бакалаўра выяўленчых мастацтваў у Guinard School of Art у Белу-Арызонці ды адразу там дэбютаваў у галерэі сучаснага мастацтва Léo Bahia Arte Contemporanea. У 2009-ым Рамона запрасілі на ротэрдамскі R.U.A Festival, у межах якога ён стварыў шыкоўны мурал Love Spreads. Затым ён браў удзел у сан-паўлаўскай выставе De Dentro Para Fora De Fora Para Dentro, якую паводле падлікаў куратараў наведалі 140 тысяч чалавек за 10 тыдняў. Ягоныя працы можна знайсці ў Музеі сучаснага мастацтва ў Рыа-дэ-Жанэйра і Музеі мастацтва ў Сан-Паўлу, а таксама на сценах Бразіліі ды Еўропы.

IMG_7320 IMG_7371 IMG_7388 IMG_7427 IMG_7524 IMG_7531 IMG_7828 IMG_7993 ramon_3 ramon_20 ramon_10 ramon_17

Назва мурала: “Caleidoscópio de Belarus” / “Калейдаскоп Беларусі”

Мурал зроблены з выкарыстаннем спрэю MTN 94 aд Montana Colors і акрылавай фарбы Condor, пры фінансавай падтрымцы Belavia

Вялiкi дзякуй усiм валанцерам, якiя дапамагалі ў стварэнні мурала!